ന്യൂഡെല്‍ഹി.ലോക്സഭാ തിരഞ്ഞെടുപ്പിന്റെ ആറാംഘട്ട വോട്ടെടുപ്പ് നാളെ. 6 സംസ്ഥാനങ്ങളിലും 2 കേന്ദ്ര ഭരണ പ്രദേശങ്ങളിലുമായി 58 മണ്ഡലങ്ങളിൽ ആണ് നാളെ വോട്ടെടുപ്പ് നടക്കുക.
മനോഹർലാൽ ഘട്ടാർ,മെഹബൂബ മുഫ്തി,മേനക ഗാന്ധി,ധർമ്മേന്ദ്രപ്രദാൻ, സംബിത് പാത്ര, ബാൻസുരിസ്വരാജ്, അഭിജിത്ത് ഗംഗോപാധ്യായ,സോം നാഥ് ഭാരതി, കനയ്യ കുമാർ തുടങ്ങിയ പ്രമുഖർ അടക്കം 889 സ്ഥാനാർത്ഥികളാണ് നാളെ ജനവിധി തേടുന്നത്. വോട്ടെടുപ്പിനുള്ള എല്ലാ ഒരുക്കങ്ങളും സുരക്ഷാക്രമീകരണങ്ങളും പൂർത്തിയായതായി തിരഞ്ഞെടുപ്പ് കമ്മീഷൻ അറിയിച്ചു.അതേ സമയം അവസനഘട്ട മേഖലകളിൽ പ്രചരണം സജീവമാക്കുകയാണ് ഇരു മുന്നണികളും.പ്രധാന മന്ത്രി നരേന്ദ്ര മോദി ഇന്ന് ഹിമാചൽ പ്രദേശിലെ മണ്ഡി യിലും ഷിംലയിലും പ്രചരണം നടത്തും.
പഞ്ചാബിലെ ഗുരുദാസ് പൂരിലും, ജലന്ധറിലും പ്രധാനമന്ത്രി ഇന്ന് റാലി പ്രഖ്യാപിച്ചിട്ടുണ്ട്. പ്രധാനമന്ത്രിയുടെ പട്യാലയിലെ റാലിയിൽ കർഷകർ പ്രതിഷേധവുമായി എത്തിയ പശ്ചാത്തലത്തിൽ കനത്ത സുരക്ഷാക്രമീകരണങ്ങൾ ഒരുക്കിയിട്ടുണ്ട്. പ്രിയങ്ക ഗാന്ധിയും രാഹുൽ ഗാന്ധിയും ഇന്ന് തെരഞ്ഞെടുപ്പ് പ്രചരണ റാലികൾ ഒന്നും നിശ്ചയിച്ചിട്ടില്ല. കോൺഗ്രസ് അധ്യക്ഷൻ മല്ലികാർജുൻ ഖർഗെ ജാർഖണ്ഡിലെ ദേവ് ഘറിൽ വാർത്ത സമ്മേളനം നടത്തും, ഗോഡ്ഡയിലെ പ്രചാരണ റാലിയിലും കോൺഗ്രസ് അധ്യക്ഷൻ പങ്കെടുക്കും.
