Advertisement
ന്യൂ ഡെൽഹി : ലോക് സഭ തെരെഞ്ഞെടുപ്പിൻ്റെ വോട്ടെടുപ്പ് അവസാനിച്ച ഉടൻ തന്നെ 295 സീറ്റുകളിൽ ജയിക്കുമെന്ന് ഇന്ത്യാ സഖ്യനേതാക്കൾ പറഞ്ഞു. സഖ്യത്തിൻ്റെ യോഗത്തിന് ശേഷം മല്ലികാർജുന ഖാർഖേയാണ് ഇക്കാര്യം മാധ്യമങ്ങളോട് പറഞ്ഞത്.
അതിനിടെ ലോക്സഭാ തിരഞ്ഞെടുപ്പിന്റെ ഏഴാംഘട്ടം പോളിങ് പൂർത്തിയാവുന്നതോടെ പുറത്തുവരുന്ന എക്സിറ്റ് പോൾ ചർച്ചകൾ ബഹിഷ്കരിക്കുമെന്ന തീരുമാനത്തിൽ മലക്കംമറിഞ്ഞ് കോൺഗ്രസ്. ബി.ജെ.പിയേയും മുൻകൂട്ടി തയ്യാറാക്കിയ എക്സിറ്റ് പോൾ ഫലങ്ങളേയും തുറന്നുകാട്ടാൻ ഇന്ത്യസഖ്യ പാർട്ടികൾ തീരുമാനിച്ചതായി കോൺഗ്രസ് മീഡിയ ആൻഡ് പബ്ലിസിറ്റി ഡിപ്പാർട്മെന്റ് ചെയർമാൻ പവൻ ഖേര അറിയിച്ചു.
Advertisement
