കൊല്‍ക്കൊത്ത. ബംഗാളിൽ മേധാവിത്വം നിലനിർത്തി തൃണമൂൽ കോൺഗ്രസ്.നഷ്ടപ്പെട്ട 6 സീറ്റുകൾ തൃണമൂൽ തിരിച്ചുപിടിച്ച് . ബിജെപിയുടെ മുന്നേറ്റം 12 സീറ്റുകളിൽ ഒതുങ്ങി.ഇന്ത്യ സഖ്യത്തിന്റെ പ്രതീക്ഷകളെയും തൃണമൂൽ കോൺഗ്രസ് തകർത്തു
എക്സിറ്റ് പോൾ പ്രവചനം അപ്രസക്തമാക്കിയാണ് വംഗനാട്ടിൽ തൃണമൂൽ കോൺഗ്രസിൻറെ തേരോട്ടം.23 സീറ്റ് പ്രവചിച്ച ബിജെപിയുടെ മുന്നേറ്റം 10 സീറ്റിൽ ഒതുങ്ങി. CAAയും സന്ദേശ്ഖാലിയും ബിജെപിയെ കൈവിട്ടു. അഭിഷേക് ബാനർജി ഡയമണ്ട് ഹാർബറിൽ 3 ലക്ഷത്തിലധികം വോട്ടുകൾക്ക് വിജയിച്ചു. സന്ദേശ് ഖാലി ഉൾപ്പെട്ട ബാസിർ ഹട്ട് മണ്ഡലത്തിൽ തൃണമൂലിൻ്റെ ഭൂരിപക്ഷം ഒന്നര ലക്ഷത്തിന് മുകളിലാണ്.കോൺഗ്രസിന്റെ ഉരുക്ക് കോട്ടയായ ബഹരംപൂർ അധിർ രഞ്ജൻ ചൗധരിയിൽ നിന്ന് യൂസഫ് പഠാൻ മണ്ഡലം തിരിച്ചു പിടിച്ചു. അസൻസോളിൽ ശത്രുഘ്നൻ സിൻഹ വിജയിച്ചു.കൃഷ്ണ നഗർ മഹുവ മൊയ്ത്ര നിലനിർത്തി. കൂച്ച് ബെഹറിൽ കേന്ദ്ര മന്ത്രി നിതീഷ് പ്രമാണിക് പരാജയപ്പെട്ടു.
സിപിഐഎം പ്രതീക്ഷ വച്ചിരുന്ന സംസ്ഥാന സെക്രട്ടറി മുഹമ്മദ് സലീം മത്സരിച്ച മുർഷിദാബാദും തൃണമൂലിൻ്റെ കൈകളിലായി. ബരക്പോര, ജാഗ്രാം, മേദനിപൂർ, ബർദമാൻപ്പൂർ – ദുർഗപൂർ , ഹൂഗ്ലി, അസൻസോൾ എന്നിവയാണ് തൃണമൂൽ തിരിച്ചുപിടിച്ച മണ്ഡലങ്ങൾ. ബരക്പൂരിൽ സുക്ന്ത മജുംദാർ ,തംലുക്കിൽ അഭിജിത്ത് ഗംഗോപാധ്യായ എന്നിവരാണ് ബിജെപിയിൽ മുന്നേറ്റം സൃഷ്ടിച്ച പ്രമുഖർ. തൃണമൂലിനെതിരെ കോൺഗ്രസും സിപിഐഎമ്മും ഒരുമിച്ചതോടെ സംസ്ഥാന സർക്കാരിനെതിരെയുള്ള ഭരണവിരുദ്ധ വികാര വോട്ടുകൾ ഏകീകരിക്കാതെ വിഘടിച്ചതും ബിജെപിക്ക് തിരിച്ചടിയായി.
