Advertisement
നാഗ്പൂര്‍. കേന്ദ്രസർക്കാരിൻറെ ആദ്യ പരിഗണന മണിപ്പൂരിലെ കലാപം അവസാനിപ്പിക്കുന്നത് ആയിരിക്കണം എന്ന് ആർഎസ്എസ് മേധാവി മോഹനൻ ഭഗവത് . ഒരു വർഷത്തിനു ശേഷവും കലാപം തുടരുന്നത് ആശങ്കയുണ്ടാകുന്നതായി മോഹൻ ഭഗവത് നാഗ്പൂരിൽ പറഞ്ഞു. ഭരണപക്ഷവും പ്രതിപക്ഷവും രാജ്യത്തിൻറെ പുരോഗതിക്ക് വേണ്ടി ആണ് പ്രവർത്തിക്കേണ്ടത്. പാർലമെൻറിൽ ഉയരുന്ന ചർച്ചകളിൽ രണ്ടു വശങ്ങളും കേട്ട ശേഷം അഭിപ്രായ സമന്വയം ഉണ്ടാവണമെന്ന് അദ്ദേഹം പറഞ്ഞു. തെരഞ്ഞെടുപ്പ് കാലത്ത് വൈരാഗ്യ ബുദ്ധിയോടെ ഉള്ള പല പ്രചാരണങ്ങളും നടന്നു എന്നും തെരഞ്ഞെടുപ്പു എന്നത് യുദ്ധമല്ല മത്സരമാണ് എന്ന ബോധം രാഷ്ട്രീയപാർട്ടികൾക്ക് ഉണ്ടാകണമെന്നും അദ്ദേഹം ഓർമ്മിപ്പിച്ചു.
