ന്യൂഡെല്‍ഹി.മൂന്നാം നരേന്ദ്രമോദി സര്‍ക്കാരിലെ ക്യാബിനറ്റ് മന്ത്രിമാര്‍ ചുമതലയേറ്റു.കൃത്യനിർവഹണത്തിനിടെ ജീവൻ നഷ്ടപ്പെട്ട പോലീസുകാർക്ക് ആദരമറപ്പിച്ചാണ് കേന്ദ്ര ആഭ്യന്തര മന്ത്രി അമിത് ഷാ ചുമതലയേറ്റത്.റെയിൽവേ മന്ത്രിയായി അശ്വിനി വൈഷ്ണവും വിദേശകാര്യ മന്ത്രിയായി എസ് ജയശങ്കറും ഇന്ന് ചുമതലയേറ്റു
ദേശീയ പൊലീസ് സ്മാരകത്തിലെത്തി പുഷ്പചക്രം സമര്‍പ്പിച്ചാണ് ആഭ്യന്തര മന്ത്രി അമിത് ഷാ ചുമതലയേല്‍ക്കാന്‍ പുറപ്പെട്ടത്.ചൈനയുമായുള്ള അതിര്‍ത്തി തര്‍ക്കം പരിഹരിക്കുന്നതിന് മുന്‍ഗണന നല്‍കുമെന്ന് വ്യക്തമാക്കിയാണ് രണ്ടാം തവണയും വിദേശകാര്യ മന്ത്രി എസ് ജയശങ്കർ ചുമതലേറ്റത്ത്
ന്യൂനപക്ഷ ക്ഷേമ മന്ത്രിയായി കിരൺ റിജിജു, റെയില്‍വെ മന്ത്രി കൂടിയായ അശ്വനി വൈഷ്ണവ്, ഇന്‍ഫര്‍മേഷന്‍ ആന്‍ഡ് ബ്രോഡ്കാസ്റ്റിങ് മന്ത്രാലയത്തിലെത്തി ചുമതലയേറ്റു. സഹമന്ത്രി എല്‍.മുരുഗനും ഒപ്പമുണ്ടായിരുന്നു .പെട്രോളിയം പ്രകൃതിവാതക മന്ത്രി ഹര്‍ദീപ് സിങ്പുരിയും വൈദ്യുതിമന്ത്രി മനോഹര്‍ ലാല്‍ ഖട്ടറും ടെക്സ്റ്റൈല്‍ മന്ത്രി ഗിരിരാജ് സിങും തുറമുഖ ,ഷിപ്പിങ് മന്ത്രി സര്‍ബാനന്ദ സോനോവാളും ചുമതലയേറ്റു.
