Advertisement
മുംബൈ. ഹിജാബ് നിരോധനത്തിനെതിരെ ബോംബെ ഹൈക്കോടതിൽ ഹർജി. മുംബൈയിലെ ഒരു കോളേജിനെതിരെ 9 വിദ്യാർഥിനികളാണ് കോടതിയെ സമീപിച്ചത്. മതപരമായ സൂചനകൾ ഉള്ള വസ്ത്രങ്ങൾ പാടില്ല എന്നായിരുന്നു മുംബൈയിലെ എൻജി ആചാര്യ കോളേജിൻ്റെ നിർദ്ദേശം. ഹിജാബോ ബുർഖയോ ധരിച്ച് വരുന്നവർ വസ്ത്രം മാറ്റിയേ ക്ലാസിലേക്ക് പ്രവേശിക്കാവൂ എന്ന തീരുമാനം ഈ അധ്യയന വർഷം മുതൽ കർശനമായി നടപ്പാക്കുമെന്ന് വിദ്യാർഥികളെ അറിയിക്കുകയായിരുന്നു . മൗലികാവകാശത്തെയും മത പരമായ സ്വാതന്ത്ര്യത്തെയും ഹനിക്കുന്നതാണ് സർക്കുലർ എന്ന് സൂചിപ്പിച്ചാണ് ഹർജി. ചൊവ്വാഴ്ച കോടതി ഹർജി പരിഗണിക്കും
Advertisement
