Advertisement
ന്യുഡൽഹി: ലോക് സഭയുടെ പ്രോട്ടെം സ്പീക്കറായി കൊടിക്കുന്നിൽ സുരേഷിനെ രാഷ്ട്രപതി തിരഞ്ഞെടുത്തു. സീനിയർ എം പി എന്ന നിലയിലാണ് കൊടിക്കുന്നിലിന് അവസരം കിട്ടിയത്. ജൂൺ 24ന് രാഷ്ട്രതി മുമ്പാകെ അദ്ദേഹം സത്യപ്രതിജ്ഞ ചെയ്യും. പ്രോട്ടെം സ്പീക്കറുടെ മുന്നിലാണ് ലോക്സഭ അംഗങ്ങൾ സത്യപ്രതിജ്ഞ ചെയ്യുക.
ഒൻപതുവട്ടം എം.പി.യായിരുന്ന ബി.ജെ.പി. അംഗം മേനകാഗാന്ധി ഇക്കുറി തിരഞ്ഞെടുപ്പിൽ പരാജയപ്പെട്ടു. നിലവിൽ എട്ടുതവണ ലോക്‌സഭയിലെത്തിയ ബി.ജെ.പി. അംഗം ഡോ. വീരേന്ദ്രകുമാർ, കൊടിക്കുന്നിൽ സുരേഷ് എന്നിവരാണ് സീനിയർ അംഗങ്ങൾ. ഡോ. വീരേന്ദ്രകുമാർ മന്ത്രിയായി സത്യപ്രതിജ്ഞചെയ്തു. പ്രോട്ടെം സ്പീക്കർ രാഷ്ട്രപതിയുടെ മുന്നിൽ സത്യപ്രതിജ്ഞചെയ്തശേഷമാണ് ചുമതലയേൽക്കുന്നത്.
Advertisement
