ബംഗളൂരു .ഗെയിം കണ്‍ട്രോള്‍ വാങ്ങാന്‍ തീരുമാനിച്ച് നല്‍കിയ ഓര്‍ഡറില്‍ എത്തിയത് അതിലും വലുത് ആയാലെന്തു ചെയ്യും – കൊമേഴ്സ് സ്ഥാപനമായ ആമസോണിലൂടെ ഗെയിം കൺട്രോൾ ഓർഡർ ചെയ്ത് ലഭിച്ച പാക്കിൽ നിന്ന് മൂർഖൻ പാമ്പിനെ കണ്ടെത്തി. ബംഗളൂരു സ്വദേശികളായ ദമ്പതികൾക്കാണ് ദുരനുഭവമുണ്ടായത്. സംഭവത്തിൽ ആമസോൺ ഖേദം പ്രകടിപ്പിച്ചു.
ബംഗളൂരു സർജാപുര സ്വദേശികളായ ദമ്പതികൾ ഒരാഴ്ച്ച മുമ്പാണ് ആമസോണിലൂടെ ഗെയിം കൺട്രോളർ ഓർഡർ ചെയ്തത്. കാത്തിരിപ്പിനൊടുവിൽ കഴിഞ്ഞ ദിവസം ആമസോൺ ബോക്സ് വീട്ടിലെത്തി. പെട്ടി തുറന്നു നോക്കിയപ്പോൾ കണ്ടത് നല്ല ഒന്നാന്തരം മൂർഖൻ പാമ്പിനെ.
അപ്പോൾ തന്നെ ദൃശ്യം പകർത്തി ആമസോണിന് പരാതി നൽകി. ഒപ്പം നേരിട്ട ദുരനുഭവം ദമ്പതികൾ എക്സിലൂടെ പങ്കുവച്ചു. അന്വേഷണം നടത്തുമെന്ന് ആമസോൺ മറുപടി നൽകിയെങ്കിലും, ഇതുവരെ നടപടിയോ, കൃത്യമായ വിശദീകരണമോ ഉണ്ടായിട്ടില്ല. സംഭവത്തിൽ കൂടുതൽ നിയമ നടപടികൾ സ്വീകരിക്കുമെന്ന് ദമ്പതികൾ അറിയിച്ചു
