ന്യൂഡെല്‍ഹി. പാർലമെന്റിന്റെ ഇരുസഭകളിലും നീറ്റ് പരീക്ഷാ ക്രമക്കേടുമായി ബന്ധപ്പെട്ട വിഷയം ഉന്നയിക്കാൻ പ്രതിപക്ഷ തീരുമാനം. വിദ്യാഭ്യാസ മന്ത്രാലയത്തിന് വീഴ്ച പറ്റിയെന്ന ആരോപണമാകും പ്രതിപക്ഷം ഉന്നയിക്കുക. നീറ്റ് പരീക്ഷാ ക്രമക്കേടുമായി ബന്ധപ്പെട്ടിട്ടുള്ള വിഷയത്തിൽ വിദ്യാഭ്യാസ മന്ത്രി രാജി വയ്ക്കണമെന്നാണ് പ്രതിപക്ഷത്തിന്റെ നിർദ്ദേശം. പുറത്തുവന്നിരിക്കുന്നത് രാജ്യത്തെ ഉന്നത വിദ്യാഭ്യാസമേഖലയെ ആകെ കളങ്കപ്പെടുത്തുന്ന നീക്കങ്ങളാണ്. ഈ സാഹചര്യത്തിൽ വിദ്യാഭ്യാസ മന്ത്രിയുടെ രാജി അനിവാര്യമാണെന്ന് പ്രതിപക്ഷം സഭകളിൽ വാദി ക്കും. പാർലമെന്റിന്റെ ഇരു സഭകളിലും ഇന്നും രാഷ്ട്രപതിയുടെ ന്യായപ്രഖ്യാപനത്തിന് മേലുള്ള നന്ദി പ്രമേയ ചർച്ചയാണ് അജണ്ട പ്രകാരം നടക്കുക. ലോക്സഭയിൽ ഇന്നലെ തന്നെ ചർച്ച ആരംഭിച്ചിരുന്നു. രാജ്യസഭയിൽ ഇന്ന് ബിജെപി അംഗം സുധാoശു തൃവേദി നന്ദി പ്രമേയം അവതരിപ്പിക്കും. തുടർന്നായിരിക്കും ചർച്ച ആരംഭിക്കുക.
