ഗച്ച് റോളി.മഹാരാഷ്ട്രയിൽ വൻ മാവോയിസ്റ്റ് വേട്ട. ഗച്ച്റോളിയിൽ നടന്ന ഏറ്റുമുട്ടലിൽ 12 മാവോയിസ്റ്റുകളെ വധിച്ചു. എകെ 47 അടക്കമുള്ള ആയുധങ്ങളും കണ്ടെത്തി.
ആറുമണിക്കൂറിലേറെ നീണ്ട ഏറ്റുമുട്ടൽ. സമീപകാലത്ത് മാവോയിസ്റ്റ് വിരുദ്ധ സേനയായ സി സിക്സ്റ്റി കമാൻഡോസ് നടത്തിയ വലിയ ഓപ്പറേഷനുകളിൽ ഒന്നാണ് ഗച്ച്റോളിയിൽ നടന്നത്. ഛത്തീസ്ഗഡ് അതിർത്തിയോട് ചേർന്ന് വണ്ടോലി എന്ന ഗ്രാമത്തിൽ 15 ലേറെ മാവോയിസ്റ്റുകൾ ക്യാമ്പ് ചെയ്യുന്നുണ്ടെന്ന് രഹസ്യവിവരത്തെ തുടർന്നാണ് പോലീസ് വനമേഖലയിൽ തിരച്ചിൽ തുടങ്ങിയത്. പിന്നാലെ കനത്ത വെടിവെപ്പ് ഉണ്ടായി. 12 മാവോയിസ്റ്റുകളെ മൃതദേഹം കണ്ടെത്തി. കൂടുതൽ മാവോയിസ്റ്റുകൾക്ക് വെടിയേറ്റിയിട്ടുണ്ടെന്ന സംശയത്തിൽ പ്രദേശത്ത് തെരച്ചിൽ തുടരുകയാണ്. തിപാഗഡ് ദലത്തിൻ്റെ നേതൃനിരയിലുള്ള ലക്ഷ്മൺ അത്രം എന്ന വിശാൽ അത്രം കൊല്ലപ്പെട്ടവരിൽ ഉൾപ്പെടുന്നു. മാവോയിസ്റ്റുകളുടെ തിരിച്ചടിയിൽ രണ്ടു പോലീസുകാർക്ക് വെടിയേറ്റിട്ടുണ്ട്.പരിക്ക് ഗുരുതരം അല്ല എന്നാണ് സൂചന. ഏറ്റുമുട്ടൽ നടത്തിയ സി 60 കമാൻഡോസിന് മഹാരാഷ്ട്ര സർക്കാർ 51 ലക്ഷം രൂപ പാരിതോഷികം പ്രഖ്യാപിച്ചു
