Advertisement
ബംഗാളിലെ ജാര്‍ഗ്രാം ജില്ലയില്‍ ജനവാസ മേഖലയിലിറങ്ങിയ ആനകളെ തുരത്തുന്നതിനിടെ ആള്‍ക്കൂട്ടം നടത്തിയ ആക്രമണത്തില്‍ പൊള്ളലേറ്റ ആന ചരിഞ്ഞു. തീപന്തങ്ങളും കമ്പിവടികളും ഉപയോഗിച്ചുള്ള ആക്രമണത്തിലാണ് ആന ചരിഞ്ഞത്. ഇരുമ്പുദണ്ഡില്‍ ചുറ്റി തീപന്തം എറിഞ്ഞതോടെ ഇത് ആനയുടെ പുറത്ത് തുളച്ചുകയറുകയായിരുന്നു.
വീഡിയോ സാമൂഹ്യ മാധ്യമങ്ങളില്‍ വ്യാപകമായി പചരിച്ചതോടെ ആക്രമിച്ചവര്‍ക്കെതിരെ അധികൃതര്‍ നടപടി എടുത്തു. രണ്ട് കുട്ടി ആനകള്‍ ഉള്‍പ്പെടെ ആറ് ആനകളാണ് കഴിഞ്ഞ ദിവസം പ്രദേശത്ത് എത്തിയത്. ആനകളുടെ ആക്രമണത്തില്‍ വയോധികന്‍ മരിക്കുകയും വ്യാപകമായി നാശനഷ്ടം വരുത്തുകയും ചെയ്തിരുന്നു. ആനകള്‍ ഗ്രാമത്തില്‍ തമ്പടിച്ചതോടെയാണ് ഇരുമ്പുവടിയും തീപന്തങ്ങളുമായി ആനകളെ ആക്രമിച്ചത്. ‘ഹുള്ള’ എന്നറിയപ്പെടുന്നൊരു സംഘമാണ് ആനകളെ തുരുത്തുന്നതിന് നേതൃത്വം നല്‍കിയതെന്നാണ് ലഭിക്കുന്ന വിവരം.
Advertisement