പൂനെ. ബാങ്കിൽ നിന്നെടുത്ത് സ്വർണവുമായി മടങ്ങുകയായിരുന്ന വൃദ്ധദമ്പതികളെ കൊള്ളയടിച്ചു. സ്കൂട്ടറിൽ പോവുകയായിരുന്ന ദമ്പതികൾ ചായയും വടാപാവും വാങ്ങാനായി നിർത്തിയപ്പോഴാണ് മോഷണം. ശ്രദ്ധതിരിച്ച് മോഷണം നടത്തുന്നതിന്ർറെ സിസിടിവി ദൃശ്യങ്ങൾ പുറത്ത് വന്നു
പണയം വച്ച സ്വർണം തിരികെ എടുത്ത ശേഷം മടങ്ങുകയായിരുന്നു ദശ്രഥ് ധമാനെയും വിരമിച്ച സ്കൂൾ ടീച്ചറായ ഭാര്യയും. 5 ലക്ഷം രൂപ വരുന്ന സ്വർണാഭരണങ്ങളാണ് കവറിലാക്കി കയ്യിലുണ്ടായിരുന്നത്. പൂനെയിലെ ഷെലെവാഡിയിൽ എത്തിയപ്പോൾ വടാപാവ് വാങ്ങി കഴിക്കാനായി സ്കൂട്ടർ നിർത്തി. ഭാര്യയെ സ്കൂട്ടറിനടുത്ത നിർത്തി ഭർത്താവ് പോയ സമയത്താണ് കൊള്ള നടന്നത്. മോഷ്ടാക്കളിലൊരാൾ സ്കൂട്ടറിനടുത്ത് നിൽക്കുന്നത് കാണാം. പിന്നാലെ ബൈക്കിലെത്തിയ സഹായി സ്കൂട്ടറിന് പുറതിൽ പണം വീണ് കിടക്കുന്നതായി തെറ്റ് ധരിപ്പിച്ചു. പണമെടുക്കാൻ ഭാര്യ പുറകോട്ട് പോയ തക്കത്തിന് മോഷ്ടാക്കൾ സ്കൂട്ടറിന് മുന്നിലുണ്ടായിരുന്ന കവറുമായി രക്ഷപ്പെട്ടു.
പൂെനെയിലെ ഹഡാപ്സർ പൊലീസ് കേസെടുത്തു. രണ്ട് സംഘങ്ങളായി തിരിഞ്ഞാണ് അന്വേഷണം. പ്രതികളെ തിരിച്ചറിയാനായി സിസിടിവി ദൃശ്യങ്ങൾ ശേഖരിച്ചിട്ടുണ്ട്.
