മുബൈ. കൈക്കൂലി വാങ്ങിയതിന്‍റെ തെളിവ് ഇല്ലാതാക്കാന്‍ ഉദ്യോഗസ്ഥന്‍ ചെയ്ത പണി കടന്നുപോയി. പണം നശിപ്പിക്കാനായി ഉദ്യോഗസ്ഥൻ ടോയ്ലറ്റിൽ ഫ്ലഷ് ചെയ്ത പണം അഴിമതി വിരുധ ബ്യൂറോ കണ്ടെത്തി. സെപ്റ്റിക് ടാങ്ക് തുറന്ന് നടത്തിയ പരിശോധനയിലാണ് നോട്ടുകൾ കണ്ടെത്താനായത്.
ബോറിവലിയിലെ ഒരു റസ്റ്റോറന്ർറിലേക്ക് ഗ്യാസ് പൈപ് ലൈൻ നൽകുന്നതിനാണ് മുതിർന്ന ഫയർ ഓഫീസറായ പ്രഹളാദ് ശിതോളെ കൈക്കൂലി ആവശ്യപ്പെട്ടത്. വിവരം പരാതിക്കാരൻ അഴിമതി വിരുധ ബ്യൂറോയെ അറിയിക്കുകയായിരുന്നു. ഫിനോഫ്താലിൽ പുരട്ടിയ അറുപതിനായിരം രൂപ പരാതിക്കാരൻ പ്രഹളാദ് ശിതോളെയ്ക്ക് കൈമാറുകയും ചെയ്തു. എന്നാൽ അപകടം മണത്ത പ്രതി വീട്ടിലെ ശുചിമുറിയിലേക്ക് പോയി പണം ഫ്ലഷ് ചെയ്ത് കളഞ്ഞു.
തൊണ്ടി മുതൽ പിടിച്ചെടുക്കുക കേസിൽ നിർണായകമായത് കൊണ്ടാണ് അഴിമതി വിരുദ്ധ ബ്യൂറോ സെപ്റ്റിക് ടാങ്ക് തുറന്ന് പരിശോധിക്കുകയും അമ്പത്തി ഏഴായിരം രൂപ കണ്ടെത്തുകയും ചെയ്തത്.
