Advertisement
കൊല്‍ക്കൊത്ത. ആർ ജി കോര്‍ മെഡിക്കൽ കോളേജിലെ വനിതാ ഡോക്ടറുടെ ബലാത്സംഗ – കൊലപാതകത്തില്‍ പ്രതിഷേധിക്കുന്ന ഡോക്ടർമാർക്ക്‌ തിരികെ ജോലിയിൽ പ്രവേശിക്കാൻ സുപ്രീംകോടതി നൽകിയ സമയപരിധി അവസാനിച്ചു. നീതി ലഭിക്കാതെ തിരികെ ജോലിയിൽ പ്രവേശിക്കില്ലെന്ന നിലപാടിലാണ് ഡോക്ടർമാർ. പശ്ചിമബംഗാൾ ആരോഗ്യവകുപ്പ് ആസ്ഥാനമായ സ്വാസ്ഥി ഭവനിലേക്ക് ഡോക്ടർമാർ പ്രതിഷേധ മാർച്ച് നടത്തി. ആരോഗ്യ സെക്രട്ടറി അടക്കം മൂന്നു ഉദ്യോഗസ്ഥരെ പുറത്താക്കണമെന്ന് ആവശ്യപ്പെട്ടാണ് പ്രതിഷേധ മാർച്ച്. മെഡിക്കൽ കോളേജ് അഴിമതി കേസിൽ സിബിഐ അറസ്റ്റ് ചെയ്ത മുൻ പ്രിൻസിപ്പൽ സന്ദീപ് ഘോഷിനെ 14 ദിവസത്തെ ജുഡീഷ്യൽ കസ്റ്റഡിയിൽ വിട്ടു. സിയാൽദ പ്രത്യേക സിബിഐ കോടതിയുടേതാണ് നടപടി.
Advertisement
