ശ്രീ നഗര്‍. ബിജെപി അധികാരത്തിലെത്തിയാല്‍ ജമ്മു കശ്മീരിന് സംസ്ഥാന പദവി പുനസ്ഥാപിക്കുമെന്ന വാഗ്ദാനം പാലിക്കുമെന്ന് പ്രധാനമന്ത്രി നരേന്ദ്രമോദി. സ്നേഹത്തിന്റെ കടയിൽ രാഹുൽ ഗാന്ധി വെറുപ്പ് വിൽക്കുന്നു എന്ന് വിമർശനം. പാകിസ്താന്റെ അജണ്ടയാണ് കോണ്ഗ്രസും എൻ സി യും നടപ്പാക്കാൻ ഒരുങ്ങുന്നതെന്നും പ്രധാനമന്ത്രി. ഹരിയാനയിൽ എല്ലാ അഗ്നിവീറുകൾക്കും സർക്കാർ ജോലിയും, കർഷകർക്ക് മിനിമം താങ്ങുവിലയും വാഗ്ദാനം ചെയ്ത ബിജെപിയുടെ പ്രകടനപത്രിക പുറത്തിറക്കി.
ബിജെപി അധികാരത്തിലെത്തിയാല്‍ ജമ്മു കശ്മീരിന് സംസ്ഥാന പദവി പുനസ്ഥാപിക്കുമെന്ന വാഗ്ദാനം പാലിക്കുമെന്ന്, ശ്രി നാഗറിലെ തെരഞ്ഞെടുപ്പ് റാലിയിൽ പ്രധാനമന്ത്രി നരേന്ദ്രമോദി പ്രഖ്യാപിച്ചു.
പ്രായമായ സ്ത്രീകളുടെ അകൗണ്ടിൽ പ്രതിവര്‍ഷം 18,000 രൂപ നിക്ഷേപിക്കും.
എല്ലാ കുടുംബങ്ങള്‍ക്കും വര്‍ഷം ഏഴുലക്ഷം രൂപവരെയുള്ള ചികില്‍സ സൗജന്യമാക്കും. സോളാര്‍ പാനല്‍ സ്ഥാപിക്കാന്‍ 80,000 രൂപ നല്‍കും തുടങ്ങിയവയാണ് മറ്റ് വാഗ്ധനങ്ങൾ.
രാഹുൽ ഗാന്ധി വിദേശത്ത് ദേവതകളെ അപമാനിച്ചെന്നും സ്നേഹത്തിന്റെ കടയിൽ രാഹുൽ ഗാന്ധി വെറുപ്പ് വിൽക്കുന്നു എന്നും പ്രധാന മന്ത്രി കുറ്റപ്പെടുത്തി.
അനുചേദം 370 തിരികെ കൊണ്ടുവരുമെന്നപാകിസ്താന്റെ അജണ്ടയാണ് കോണ്ഗ്രസും എൻ സി യും നടപ്പാക്കാൻ ഒരുങ്ങുന്നതെന്നും മോദി വിമർശിച്ചു
ഹരിയാനയിലെ മുഴുവൻ അഗ്നിവീറുകൾക്കും സർക്കാർ ജോലിയും, കാർഷികോൽപ്പന്നങ്ങൾക്ക്‌ മിനിമം താങ് വിലയും വാഗ്ദാനം ചെയ്യുന്ന പ്രകടന പത്രിക ദേശീയ അദ്ധ്യക്ഷൻ ജെപി നദ്ദ പുറത്തിറക്കി.
ഒബിസി വിഭാഗത്തിൽ നിന്നുള്ള വിദ്യാർത്ഥികൾക്ക് സ്കോളർഷിപ്പ്.
സർക്കാർ ആശുപത്രികളിൽ സൗജന്യ ഡയാലിസിസ്, ഗ്രാമീണ മേഖലകളിൽ നിന്നുള്ള പെൺകുട്ടികൾക്ക് സ്കൂട്ടി,
എല്ലാ ഗ്രാമങ്ങളിലും ഒളിമ്പിക് നേഴ്സറി തുടങ്ങിയവയാണ് ബിജേപിയുടെ മറ്റ് പ്രധാന വാഗ്ദാനങ്ങൾ.
