ബംഗളൂരുരുവിലെ മല്ലേശ്വരം വ്യാളിക്കാവല പോലീസ് സ്റ്റേഷന്‍ പരിധിയില്‍ യുവതിയെ കൊന്ന് 30 കഷണങ്ങളാക്കി ഫ്രിഡ്ജില്‍ സൂക്ഷിച്ചു. ഇരുപത്തിയൊന്‍പതുകാരി മഹാലക്ഷ്മിയാണ് അതി ദാരുണമായി കൊല്ലപ്പെട്ടത്. സമീപത്തെ മാളില്‍ ജീവനക്കാരിയായിരുന്ന മഹാലക്ഷ്മി ഭര്‍ത്താവുമായി അകന്നു കഴിയുകയായിരുന്നു. മൃതദേഹത്തിന് 15 ദിവസത്തെ പഴക്കമുണ്ട്. അടച്ചിട്ട വീട്ടില്‍നിന്ന് ദുര്‍ഗന്ധം വന്നപ്പോളാണ് കൊലപാതകം പുറത്തറിഞ്ഞത്.
മല്ലേശ്വരം പൈപ്പ് ലൈന്‍ റോഡിലെ ഒറ്റമുറി ഫ്‌ലാറ്റില്‍ ആണ് അതിക്രൂരമായ കൊല നടന്നത്. രണ്ടുദിവസമായി വീട്ടില്‍ ദുര്‍ഗന്ധം വഹിച്ചതിനെ തുടര്‍ന്ന് ഇതേ കെട്ടിടത്തില്‍ താമസിക്കുന്നവര്‍ പൊലീസിനെ വിവരം അറിയിക്കുകയായിരുന്നു. കതക് തകര്‍ത്താണ് പൊലീസ് അകത്തുകയറിയത്. വീടിനകത്ത് ഫ്രിഡ്ജില്‍ പല കഷ്ണങ്ങളായി മുറിച്ചു പ്ലാസ്റ്റിക് ബാഗില്‍ നിറച്ചിരുന്ന നിലയിലായിരുന്നു മൃതദേഹം.
വര്‍ഷങ്ങള്‍ക്കു മുമ്പ് ഉത്തരേന്ത്യയില്‍ നിന്ന് ബംഗ്ലൂരിലേക്ക് കുടിയേറിയതാണ് മഹാലക്ഷ്മി. ഭര്‍ത്താവുമായി അകന്നു കഴിയുന്ന ഇവര്‍ ഫ്‌ലാറ്റില്‍ ഒറ്റയ്ക്കായിരുന്നു താമസം. പോലീസ് അന്വേഷണം ആരംഭിച്ചു.
