Advertisement
മധ്യപ്രദേശിൽ ബസും ട്രക്കും കൂട്ടിയിടിച്ച് അപകടം. 9 പേർ മരിച്ചു, 20 ഓളം പേർക്ക് പരിക്ക്. പരിക്ക് ഏറ്റ 6 പേരുടെ നില ഗുരുതരം.സംഭാവത്തിൽ കേസെടുത്ത് അന്വേഷണം ആരംഭിച്ചതായി മെഹാർ പോലീസ് സൂപ്രണ്ട് സുധീർ അഗർവാൾ അറിയിച്ചു.
ഇന്നലെ രാത്രി 11 മണിയോടെയാണ് അപകടം. ഉത്തർ പ്രദേശിലെ പ്രയാഗ്‌രാജിൽ നിന്ന് മഹാരാഷ്ട്രയിലെ നാഗ്‌പൂരിലേക്ക് പോവുകയായിരുന്ന ബസാണ് അപകടത്തിൽപ്പെട്ടത്. റോഡരികിൽ നിർത്തിയിട്ടിരുന്ന കല്ല് നിറച്ച ട്രക്കിൽ ബസ് വന്ന് ഇടിക്കുകയായിരുന്നു. പോലീസിന്റെ നേതൃത്വത്തിൽ രക്ഷ പ്രവർത്തനം പൂർത്തിയാക്കിയെന്നും,
പരിക്കേറ്റവരിൽ ആറ് പേരുടെ നില ഗുരുതരമാണെന്നും അവരെ സത്നയിലേക്ക് റഫർ ചെയ്‌തതായും മെഹാർ പൊലീസ് സൂപ്രണ്ട് സുധീർ അഗർവാൾ പറഞ്ഞു.
ബസ്സ്‌ അമിത വേഗതയിൽ ആയിരുന്നു എന്നാണ് യാത്രക്കാർ നൽകിയ മൊഴി.സംഭവത്തിൽ പോലീസ് കേസെടുത്തു അന്വേഷണം ആരംഭിച്ചു.
Advertisement