Advertisement
കൊല്‍ക്കൊത്ത. അടിയന്തര സേവനങ്ങൾ അടക്കമുള്ളവ ബഹിഷ്കരിച്ച് സമരം വീണ്ടും ശക്തമാക്കി പശ്ചിമബംഗാളിലെ ജൂനിയർ ഡോക്ടര്‍മാര്‍.ആർജി കാർ മെഡിക്കൽ കോളജ് ആശുപത്രിയിലെ ബലാത്സംഗ കൊലപാതകത്തെത്തുടർന്ന് ആരംഭിച്ച അനിശ്ചിതകാല സമ്പൂർണ്ണ പണിമുടക്ക് ജൂനിയർ ഡോക്ടേഴ്സ് പുനരാരംഭിച്ചു. സിബിഐയുടെ മെല്ലെ പോക്കിനെ വിമർശിച്ച ജൂനിയർ ഡോക്ടർസ്, സുപ്രീംകോടതിയുടെ നടപടികളിലും നിരാശ പ്രകടിപ്പിച്ചു. പശ്ചിമ ബംഗാൾ മുഖ്യമന്ത്രി മമത ബാനർജിയുമായി നിരവധി തവണ ചർച്ച നടത്തിയതിന് ശേഷം സെപ്തംബർ 19 ന് ഭാഗികമായി അവസാനിപ്പിച്ച സമരമാണ് പുനരാരംഭിച്ചത്. കൊല്ലപ്പെട്ട ജൂനിയർ ഡോക്ടർക്ക് അതിവേഗം നീതി ഉറപ്പാക്കണം, സംസ്ഥാന ആരോഗ്യ സെക്രട്ടറിയെ പുറത്താക്കണം, സംസ്ഥാന ത്തെ ആശുപത്രികളിൽ കേന്ദ്രീകൃത റഫറൽ സംവിധാനം കൊണ്ടുവരണം പത്തിന് ആവശ്യങ്ങൾ മുന്നോട്ടുവച്ചാണ് സമരം പുനരാരംഭിച്ചത്.
