ന്യൂഡെല്‍ഹി.ഡൽഹിയിൽ ആശുപത്രിക്കകത്ത് ഡോക്ടറെ വെടിവെച്ചു കൊലപ്പെടുത്തി.ചികിത്സ തേടി എത്തിവരാണ് ഡോക്ടറെ കൊലപ്പെടുത്തിയത്. അക്രമികൾ പ്രായപൂർത്തി ആകാത്തവരെന്ന് സൂചന.പ്രതികൾക്കായി അന്വേഷണം ഊർജിത മാക്കിയതായി പോലീസ്.
ഡല്‍ഹി കാളിന്ദി കുഞ്ചിലാണ് രാജ്യത്തെ ഞെട്ടിച്ച അക്രമ സംഭവം.നീമ ആശുപത്രിയിലെ ഡോക്ടര്‍ ജാവേദ് അക്തർ ആണ് കൊല്ലപ്പെട്ടത്.ഇന്നലെ വൈകീട്ട് ആശുപത്രിയില്‍ ചികിത്സയ്‌ക്കെത്തിയ രണ്ട് പേരാണ് അക്രമം നടത്തിയത്.പരുക്കേറ്റ് ചികിത്സ തേടി ആശുപത്രിയിലെത്തിയ പ്രായപൂർത്തിയാകാത്ത രണ്ടു പേരാണ് അക്രമം നടത്തിയത് എന്നാണ് ആശുപത്രി ജീവനക്കാരുടെ മൊഴി.
ചികിത്സയ്ക്കുശേഷം ഡോക്ടറെ കാണണമെന്ന് ആവശ്യപ്പെട്ട ഇരുവരും,ക്യാബിനില്‍ പ്രവേശിച്ച ഉടന്‍ ഡോക്ടര്‍ക്കുനേരേ വെടിയുതിര്‍ക്കുകയിരുന്നു.പ്രതികളെ തിരിച്ചറിയാനായി സിസിടിവി ദൃശ്യങ്ങള്‍ പോലീസ് പരിശോധിച്ച് വരികയാണ്.
കൊല്‍ക്കത്ത ആര്‍ജി കര്‍ മെഡിക്കല്‍ കോളേജില്‍ യുവഡോക്ടര്‍ ബലാല്‍സംഗത്തിനിനരയായി കൊല ചെയ്യപ്പെടതിനെത്തുടര്‍ന്ന് ആശുപത്രികളിൽ സുരക്ഷ ഉറപ്പാക്കണം എന്ന് ആവശ്യപ്പെട്ട് ഡോക്ടര്‍മാര്‍ സമരം തുടരുന്നതിനിടെയാണ് ഡല്‍ഹിയില്‍ ജോലിക്കിടെ ഡോക്ടര്‍ കൊലചെയ്യപ്പെട്ടത്
