കൊൽക്കത്ത. ആർ ജി കോർ മെഡിക്കൽ കോളേജിൽ ജൂനിയർ ഡോക്ടർ ബലാൽസംഗത്തിന് ഇരയായി കൊലചെയ്യപ്പെട്ട സംഭവത്തിൽ പ്രതിഷേധം കടുപ്പിച്ച് ജൂനിയർ ഡോക്ടേഴ്സ്. വാഗ്ദാനങ്ങൾ പാലിക്കാൻ ബംഗാൾ സർക്കാറിന് 24 മണിക്കൂർ സമരപരിധി നൽകി ജൂനിയർ ഡോക്ടേഴ്സ് മരണംവരെ നിരാഹാര സമരം ആരംഭിച്ചു. സർക്കാർ വാക്കു പാലിക്കുന്നതുവരെ സമരത്തിൽ നിന്നും പിന്മാറില്ലെന്ന് പ്രതിഷേധക്കാർ വ്യക്തമാക്കി. സുതാര്യത ഉറപ്പാക്കാൻ സമരപ്പന്തലിൽ സിസിടിവി ക്യാമറകൾ ഘടിപ്പിച്ചു.കൊൽക്കത്തയിലെ ഡോറിന ക്രോസിംഗിൽ ആണ് ഇന്നലെ രാത്രി മുതൽ നിരാഹാര സമരം ആരംഭിച്ചത്.കൊൽക്കത്ത മെഡിക്കൽ കോളേജ് ആശുപത്രിയിലെ സ്നിഗ്ധ ഹസ്ര, തനയ പഞ്ച, അനുസ്തുപ് മുഖോപാധ്യായ, എസ്എസ്കെഎമ്മി ലെ അർണാബ് മുഖോപാധ്യായ, എൻആർഎസ് മെഡിക്കൽ കോളേജ് ആശുപത്രിയിലെ പുലസ്ത ആചാര്യ, കെപിസി മെഡിക്കൽ കോളേജിലെ സയന്തനി ഘോഷ് ഹസ്ര എന്നി 6 മരണം വരെ നിരാഹാര സമരം ആരംഭിച്ചത്.
