Advertisement
മുംബൈയിലുണ്ടായ വൻ അഗ്നിബാധയിൽ ഒരു കുടുംബത്തിലെ ഏഴ് പേർ വെന്തു മരിച്ചു. ഇതിൽ മൂന്നുപേർ കുട്ടികളാണ്. മുംബൈയിലെ ചെമ്പൂരിൽ ഉള്ള സിദ്ധാർത്ഥ് കോളനിയിലാണ് ദാരുണ സംഭവം.
ഉറങ്ങിക്കിടന്ന കുടുംബമാണ് പുലർച്ചെ അഞ്ചു മണിയോടെ ഉണ്ടായ തീപിടിത്തത്തിൽ വെന്തു മരിച്ചത്. രണ്ടുനില കെട്ടിടത്തിൻ്റെ മുകൾ നിലയിലാണ് കുടുംബം താമസിച്ചിരുന്നത്. താഴത്തെ നിലയിലുള്ള ഇലക്ട്രോണിക് കടയിൽ നിന്ന് തീപടരുകയായിരുന്നു. ഷോർട്ട് സർക്യൂട്ടാണ് തീപിടുത്തത്തിന് കാരണം എന്നാണ് പ്രാഥമിക നിഗമനം. നാട്ടുകാർ ആദ്യം രക്ഷാദൗത്യം തുടങ്ങി . പിന്നാലെ ഫയർഫോഴ്സ് എത്തി. മുംബൈയിലെ രാജേവാടി ആശുപത്രിയിലേക്ക് ഉടനെ എത്തിച്ചെങ്കിലും എല്ലാവരും മരിച്ചിരുന്നു. മണിക്കൂറുകൾ നീണ്ട ശ്രമത്തിനൊടുവിൽ തീപൂർണ്ണമായി അണച്ചു. സംഭവത്തെക്കുറിച്ച് പോലീസ് അന്വേഷണം ആരംഭിച്ചു.