ന്യൂഡെല്‍ഹി. ബംഗ്ലാദേശിൽ ഹിന്ദുക്കൾക്കെതിരെ നടക്കുന്ന അതിക്രമത്തിൽ അമർഷം പ്രകടിപ്പിച്ച് ആർഎസ്എസ് തലവൻ മോഹൻ ഭഗവത്. ബംഗ്ലാദേശ് സർക്കാരിന്ർറെ അടിയന്തര ഇടപെടൽ വേണമെന്നും അദ്ദേഹം ആവശ്യപ്പെട്ടു. വിവിധ വിവാദ വിഷയങ്ങളിലും വിജയ ദശമി ദിന റാലിയിൽ മോഹൻ ഭഗവത് നിലപാട് പറഞ്ഞു
സർക്കാർ മാറിയതിന് പിന്നാലെ ബംഗ്ലാദേശിനെ ന്യൂനപക്ഷമായ ഹിന്ദുക്കൾ നേരിടുന്ന അതിക്രമങ്ങൾക്കെതിരെ കടുത്ത അതൃപ്തിയാണ് മോഹൻ ഭഗവത് രേഖപ്പെടുത്തിയത്. ബംഗ്ലാദേശ് സർക്കാരിന്ർറെ മൃദു സമീപനത്തെയും അദ്ദേഹം കുറ്റപ്പെടുത്തി. ബംഗാളിലെ ആർജികർ ആശുപത്രിയിലെ ബലാത്സംഗക്കൊലയെ അദ്ദേഹം അപലപിച്ചു. രാജ്യത്തിന് സംഭവം നാണക്കേടായെന്ന് അദ്ദേഹം പറഞ്ഞു. സ്ത്രീകൾക്ക് സുരക്ഷ നൽകാൻ കഴിയാത്തത് വലിയ വീഴ്ചയെന്നാണ് അദ്ദേഹം പറഞ്ഞത്. രാജ്യം വൈവിധ്യ ങ്ങൾ നിറഞ്ഞതാണെങ്കിലും എന്നാൽ ഐക്യത്തോടെ കഴിയേണ്ടതിന്ർറെ ആവശ്യകത അദ്ദേഹം ഓർമിപ്പിച്ചു. രാജ്യത്ത് എല്ലാ ഭാഷയ്ക്കും മഹത്വമുണ്ടെന്നും അദ്ദേഹം പറഞ്ഞു. ഹിന്ദി ഭാഷ അടിച്ചേൽപ്പിക്കുന്നതിനെതിരെ ആർഎസ്എസ് നേതാവ് സുരേഷ് ഭയ്യാജി ജോഷിയും വേദിയിൽ സംസാരിച്ചു. ഐഎസ്ആർഒ മുൻ ചെയർമാർ കെ.രാധാകൃഷ്ണൻ ചടങ്ങിൽ മുഖ്യാതിഥി ആയിരുന്നു.
