ന്യൂഡെല്‍ഹി.വിമാനങ്ങൾക്ക് പിന്നാലെ ഹോട്ടലുകൾക്കും വ്യാജ ബോംബ് ഭീഷണി മൂന്ന് സംസ്ഥാനങ്ങളിലായി 23 ഹോട്ടലുകൾക്കാണ് ഭീഷണി സന്ദേശം ലഭിച്ചത്. അന്വേഷണത്തിൽ ഭീഷണി സന്ദേശം വ്യാജമെന്ന് കണ്ടെത്തി.
വിമാനങ്ങൾക്ക് നേരെ ഉണ്ടായ വ്യാജ ബോംബ് ഭീഷണി സന്ദേശത്തിൽ അന്വേഷണം ഊർജിതം.
കൊൽക്കത്ത, തിരുപ്പതി , രാജ്കോട്ട് എന്നിവിടങ്ങളിലെ ഹോട്ടലുകൾക്കാണ് ഭീഷണി സന്ദേശം ലഭിച്ചത്. കൊൽക്കത്തയിലെ പത്ത് ഹോട്ടലുകൾക്കും തിരുപ്പതിയിലെ മൂന്ന് ഹോട്ടലിനും രാജ്കോട്ടിലെ പത്ത് ഹോട്ടലുകൾക്കും ആണ് ഭിഷണി സന്ദേശം എത്തിയത്. കറുത്ത ബാഗിൽ ബോംബ് വച്ചിട്ടുണ്ടെന്ന് ആയിരുന്നു സന്ദേശം. ഇമെയിലിലൂടെ ഭിഷണി സന്ദേശം ലഭിച്ചതിന് പിന്നാലെ തന്നെ പൊലീസ് സ്ഥലത്ത് എത്തി പരിശോധനകൾ നടത്തി എങ്കിലും ഒന്നും കണ്ടെത്താനായില്ല. ഭീഷണി സന്ദേശം ലഭിച്ച ഐഡി വ്യാജമാണെന്നും പോലീസ് കണ്ടെത്തി. ഈ ഐഡി കേന്ദ്രീകരിച്ച് അന്വേഷണം പുരോഗമിക്കുകയാണ്. വിമാനങ്ങൾക്ക് നേരെ ഉണ്ടായ വ്യാജ ബോംബ് ഭീഷണി സന്ദേശത്തിലും പോലീസ് അന്വേഷണം ഊർജ്ജതമാക്കിയിട്ടുണ്ട്.
വ്യാജ ബോംബ് ഭീഷണി സന്ദേശം അയച്ചതിനെത്തുടർന്ന് ഡൽഹിയിൽ ഇരുപത്തി അഞ്ചുകാരൻ കഴിഞ്ഞദിവസം അറസ്റ്റിലായിരുന്നു. ശ്രദ്ധ ലഭിക്കുന്നതിന് വേണ്ടി താൻ ഭീഷണി സന്ദേശങ്ങൾ അയച്ചത് എന്ന് പ്രതി ശുഭം ഉപാധ്യായ സമ്മതിച്ചതായി പോലീസ് പറഞ്ഞു.
