Advertisement
ഇലക്ട്രിക് സ്‌കൂട്ടര്‍ ഒറ്റ മാസം കൊണ്ട് മുട്ടന്‍ പണി കൊടുത്തതിന്റെ കലിപ്പില്‍ വാഹനം തല്ലിപ്പൊട്ടിച്ച് ഉടമ. ഇലക്ട്രിക് സ്‌കൂട്ടര്‍ ഷോറൂമിന്റെ മുന്നിലിട്ടാണ് ഉടമ സ്‌കൂട്ടര്‍ തല്ലിത്തകര്‍ത്തത്. ഇതിന്റെ വീഡിയോ സമൂഹമാധ്യമത്തില്‍ വൈറലായി. വാങ്ങി ഒരു മാസത്തിനകം 90,000 രൂപയാണ് സ്‌കൂട്ടറിന്റെ സര്‍വീസ് ചാര്‍ജായി വന്നത്.
ഇത്രയും തുക ബില്‍ വന്നതോടെ ഉടമ സ്‌കൂട്ടര്‍ തല്ലിത്തകര്‍ത്ത് ദേഷ്യം തീര്‍ത്തു. വലിയ ചുറ്റിക കൊണ്ടാണ് ഇയാള്‍ സ്‌കൂട്ടര്‍ തകര്‍ത്തത്. സ്ഥമേതാണെന്ന് വിഡിയോയില്‍ വ്യക്തമല്ല. സമൂഹമാധ്യമത്തില്‍ പലരും സ്റ്റാന്‍ഡ്അപ്പ് കോമേഡിയന്‍ കുനാല്‍ കുമ്രയെ ടാഗ് ചെയ്താണ് വിഡിയോ ഷെയര്‍ ചെയ്യുന്നത്. വിഷയത്തില്‍ കമ്പനിയുടെ ഭാഗത്തുനിന്ന് വ്യക്തമായ പ്രതികരണമൊന്നും എത്തിയിട്ടില്ല. നിരവധിപ്പേരാണ് കമ്പനിക്കെതിരെ കമന്റുകളുമായി രംഗത്തെത്തിയിരിക്കുന്നത്.
Advertisement
