ചെന്നൈ.അണ്ണാസർവകലാശാലയിൽ പെൺകുട്ടി പീഡനത്തിനിരയായ സംഭവത്തിൽ രാഷ്ട്രീയപ്രതിഷേധം ശക്തമാകുന്നു. സംസ്ഥാനത്തെ ക്രമസമാധാന പ്രശ്നങ്ങൾ ഉന്നയിച്ച് ടിവികെ പ്രസിഡന്റെ വിജയ് ഗവർണറെ കണ്ടു. സുരക്ഷിതമായ തമിഴ്നാട് നിർമിക്കുമെന്ന് കാട്ടി പെൺകുട്ടികൾക്കും സ്ത്രീകൾക്കും വിജയ് തുറന്ന കത്തെഴുതി. സംഭവത്തിൽ ദേശീയ വനിതാ കമ്മീഷന്റെ വസ്തുതാന്വേഷണ സമിതി ചെന്നൈയിൽ എത്തി യൂണിവേഴ്സിറ്റി അധികൃതരുമായി കൂടിക്കാഴ്ച നടത്തി.
അണ്ണാസർവകലാശാലയിൽ പെൺകുട്ടി പീഡനത്തിനിരയായ സംഭവത്തിൽ പ്രതിപക്ഷപാർട്ടികളൊന്നാകെ സമരമുഖത്താണ്. ടിവികെ പ്രസിഡന്റും നടനുമായ വിജയ് പെൺകുട്ടികൾക്കും സ്ത്രീകൾക്കുമായി തുറന്ന കത്തെഴുതി.
സുരക്ഷിതമായ തമിഴ്നാട് നിർമ്മിക്കും, ഏത് സാഹചര്യത്തിലുംസഹോദരനായി കൂടെയുണ്ടാകും, അത്രികമങ്ങൾക്ക് അറുതിവരുത്തും തുടങ്ങിയ കാര്യങ്ങളാണ് കത്തിലുള്ളത്. വിഷയം ഉന്നയിച്ച് വിജയ് ഗവർണറെ കണ്ട് കത്തുനല്‍കി. സർക്കാരിനെതിരെ വിവധയിടിങ്ങളിൽ എഐഎഡിഎംകെയും പ്രത്യക്ഷ സമരം ആരംഭിച്ചിട്ടുണ്ട്. പെൺകുട്ടിയുടെ പരാതിയിലുള്ള സർ ആരാണെന്ന് കണ്ടുപിടിക്കണമെന്ന് പ്രതിപക്ഷനേതാവ് എടപ്പാടി പളനിസ്വാമി ആവശ്യപ്പെട്ടു. കേസിലെ പ്രതി ഡിഎംകെ കാരനാണെന്ന് ബിജെപി അധ്യക്ഷൻ കെ അണ്ണാമലൈ ആവർത്തിച്ചു. അതേ സമയം ദേശീയ വനിതാ കമ്മീഷൻ നിയോഗിച്ച വസ്തുതാന്വേഷണ സമിതി ചെന്നൈയിൽ എത്തി യൂണിവേഴ്സിറ്റി അധികൃതരുമായി കൂടിക്കാഴ്ച നടത്തി. പെൺകുട്ടുയേയും കുടുംബത്തേയും സമിതി അംഗങ്ങൾ കാണും.
