മുംബൈ: ഏഷ്യയിലെ ഏറ്റവും വലിയ സമ്പന്നരുടെ പട്ടികയിൽ റിലയൻസ് ഇൻഡസ്ട്രീസ് ലിമിറ്റഡ് ചെയർമാനും മാനേജിംഗ് ഡയറക്ടറുമായ മുകേഷ് അംബാനി വീണ്ടും ഒന്നാമത്.
മുകേഷ് അംബാനി ഒന്നാം സ്ഥാനം തിരിച്ചുപിടിച്ചത് അദാനി ഗ്രൂപ്പ് ചെയർമാൻ ഗൗതം അദാനിയെ പിന്തള്ളിയാണ് .
മുകേഷ് അംബാനിയുടെ ആസ്തി 99.7 ബില്യൺ ഡോളറായി ഉയർന്നപ്പോൾ ഗൗതം അദാനിയുടെ ആസ്തി 98.7 ബില്യൺ ഡോളറാണ് എന്നാണ് ബ്ലൂംബെർഗ് ബില്യണയർ ഇൻഡക്‌സ് റിപ്പോർട്ട്. മുകേഷ് അംബാനി ഫോർബ്സ് പുറത്തിറക്കിയ ലോകത്തിലെ ഏറ്റവും വലിയ 10 സമ്പന്നരുടെ പട്ടികയിൽ ആറാം സ്ഥാനത്താണ്. പട്ടികയിൽ ഒൻപതാം സ്ഥാനത്താണ് ഗൗതം അദാനി. ബിൽ ഗേറ്റ്സിനൊപ്പം ലോകത്തിലെ ഏറ്റവും വലിയ നാലാമത്തെ സമ്പന്നനായ വ്യക്തിയായി ഒരു മാസം മുൻപ് പുറത്തിറക്കിയ ബ്ലൂംബെർഗ് പട്ടികയിൽ, ഗൗതം അദാനി തെരഞ്ഞെടുക്കപ്പെട്ടിരുന്നു.
