ന്യൂഡൽഹി: ഏഴാം ശമ്പള കമ്മീഷനു കീഴിലുള്ള എൽടിസി ചട്ടങ്ങളിൽ കേന്ദ്ര സർക്കാർ ഭേദഗതി വരുത്തിയെന്ന് റിപ്പോർട്ട്.
സർക്കാർ ജീവനക്കാരെ സംബന്ധിച്ചിടത്തോളം, ലീവ് ട്രാവൽ കൺസെഷൻ അവരുടെ ശമ്പളത്തിന്റെ വളരെ പ്രധാനപ്പെട്ട ഘടകമാണ്. ഇത് അവർക്ക് വിമാനത്തിലോ ട്രെയിനിലോ റോഡിലോ യാത്ര ചെയ്യാനുള്ള സൗകര്യം നൽകുകയും യാത്രാ ചെലവ് സർക്കാർ തിരികെ നൽകുകയും ചെയ്യുന്നു. എന്നിരുന്നാലും, പുതിയ നിയമങ്ങൾ കുറച്ച്‌ ജീവനക്കാർക്ക് ആശങ്കയുണ്ടാക്കും.
ഏറ്റവും കുറഞ്ഞ നിരക്ക് വാങ്ങുക: ധനമന്ത്രാലയത്തിന്റെ പുതിയ നിയമങ്ങൾ അനുസരിച്ച്‌, കേന്ദ്ര സർക്കാർ ജീവനക്കാർ യാത്രാ ക്ലാസിൽ ലഭ്യമായ ഏറ്റവും കുറഞ്ഞ നിരക്ക് തിരഞ്ഞെടുക്കണം. യാത്രാ തീയതിക്ക് കുറഞ്ഞത് മൂന്നാഴ്ച മുമ്പെങ്കിലും ടിക്കറ്റുകൾ ബുക്ക് ചെയ്തിരിക്കണം. ഒരു ടിക്കറ്റ് മാത്രം: ജീവനക്കാർക്ക് ഒരു ടിക്കറ്റ് മാത്രമേ ബുക്ക് ചെയ്യാൻ കഴിയൂ എന്നാണ് ഈ നിയമം പറയുന്നത്. കൂടാതെ, അംഗീകൃത ട്രാവലിംഗ് ഏജന്റുമാർ വഴി മാത്രമേ ടിക്കറ്റുകൾ ബുക്ക് ചെയ്യാവൂ. ഉദാ: IRCTC, Bomer Lawrie & Company, Ashok Travels.
റദ്ദാക്കിയാൽ വിശദീകരിക്കുക: ടിക്കറ്റ് റദ്ദാക്കിയതിന്റെ കാരണം 72 മണിക്കൂറിനുള്ളിൽ ജീവനക്കാർ വിശദീകരണം നൽകണം. കൂടാതെ അവർ ഏജന്റുമാർക്ക് ഒരു ഫീസും നൽകരുത്.
