Advertisement
പടിഞ്ഞാറെ കല്ലട:പടിഞ്ഞാറെ കല്ലട ഗ്രാമ പഞ്ചായത്ത് നടുവിലക്കര എട്ടാം വാർഡ് മെമ്പർ നടുവിലക്കര പുറത്ത്മുറി കിഴക്കതിൽ സുരേഷ് ബാബുവിന്റെ ഭാര്യ സിന്ധു (43)നിര്യാതയായി.അർബുദബാധയെ തുടർന്ന് ചികിത്സയിൽ കഴിയവേ ചൊവ്വാഴ്ച പുലർച്ചെ 1.30 ഓടെ വീട്ടിൽ വച്ചാണ് അന്ത്യം സംഭവിച്ചത്.രാവിലെ 11.30 ഓടെ പഞ്ചായത്ത് ഓഫീസിലെത്തിച്ച് മൃതദേഹം പൊതുദർശനത്തിനു വച്ചു.സഹപ്രവർത്തകരും ജീവനക്കാരുമുൾപ്പെടെ നിരവധിയാളുകൾ അന്തിമോപചാരം അർപ്പിച്ചു.പിന്നീട് വീട്ടിലേക്ക് കൊണ്ടുപോയ മൃതദേഹം ഉച്ചയോടെ സംസ്ക്കരിച്ചു.രാഷ്ട്രീയ – സാമൂഹിക-സാംസ്ക്കാരിക രംഗത്തെ നിരവധി പ്രമുഖരും നാട്ടുകാരും അന്ത്യാഞ്ജലി അർപ്പിക്കാനെത്തിയിരുന്നു.കോവൂർ കുഞ്ഞുമോൻ എംഎൽഎ,പഞ്ചായത്ത് പ്രസിഡന്റ് ഡോ.സി ഉണ്ണികൃഷ്ണൻ ഉൾപ്പെടെയുള്ളവരും അന്തിമോപചാരം അർപ്പിച്ചു.മക്കൾ
:ആകാശ്.എസ്.ബാബു,ആദർശ്.എസ്.ബാബു.
