Advertisement
കരുനാഗപ്പള്ളി:- സിപിഐ കരുനാഗപ്പള്ളി മണ്ഡലം കമ്മിറ്റി അംഗവും, ഇന്ത്യൻ അസോസിയേഷൻ ഓഫ് ലോയേഴ്‌സ് (ഐഎഎൽ) സംസ്ഥാന കമ്മിറ്റി അംഗവുമായ അഡ്വ:പി സുരൻ (57) അന്തരിച്ചു. തൊടിയൂർ മുഴങ്ങോടി ചൂളൂർ വീട്ടിൽ പരേതരായ പ്രഭാകരൻ്റെയും സരസ്വതി അമ്മയുടെയും മകനാണ്. ഐഎഎൽ മുൻ കൊല്ലം ജില്ലാ പ്രസിഡന്റ്, എഐവൈഎഫ് മുൻ മണ്ഡലം പ്രസിഡന്റ്, സിപിഐ കല്ലേലിഭാഗം ലോക്കൽ കമ്മിറ്റി മുൻ സെക്രട്ടറി, കേരള ഫീഡ്സ് യൂണിയൻ (എഐറ്റിയുസി) പ്രസിഡന്റ് എന്നീ നിലകളിൽ പ്രവർത്തിച്ചിട്ടുണ്ട്. എഐഎസ്എഫ് ലൂടെയാണ് പൊതുപ്രവർത്തന രംഗത്തേക്ക് കടന്ന് വന്നത്. അസുഖബാധിതനായി എറണാകുളത്തെ സ്വകാര്യ ആശുപത്രിയിൽ ചികിത്സയിലിരിക്കെയാണ് മരണപ്പെട്ടത്. കരുനാഗപ്പള്ളി എസ് എൻ സ്കൂൾ അധ്യാപിക ലതയാണ് ഭാര്യ. അർജുൻ, ആര്യ എന്നിവരാണ് മക്കൾ. സംസ്ക്കാരം ശനി രാവിലെ 11:30 ന് വീട്ടുവളപ്പിൽ നടക്കും.
Advertisement
