Advertisement
തിരുവനന്തപുരം. പ്രശസ്ത നിർമ്മാതാവും സംവിധായകനുമായ അരോമാ മണി അന്തരിച്ചു. 85 വയസ്സായിരുന്നു. തിരുവനന്തപുരം കുന്നുകുഴിയിലെ വസതിയിലായിരുന്നു അന്ത്യം. അരോമ മൂവീസ്, സുനിത പ്രൊഡക്ഷൻസ് തുടങ്ങിയ ബാനറുകളിൽ 62 സിനിമകളാണ് നിർമ്മിച്ചത്. ഏഴ് ചിത്രങ്ങൾ സംവിധാനം ചെയ്തിട്ടുണ്ട്. 1977 പുറത്തിറങ്ങിയ ധീരസമീരെ യമുനാതീരെ ആണ് അദ്യ ചിത്രം. തിങ്കളാഴ്ച നല്ല ദിവസം, ദൂരെ ദൂരെ ഒരു കൂടുകൂട്ടാൻ എന്നീ ചിത്രങ്ങൾക്ക് ദേശീയ അവാർഡും ലഭിച്ചു. ഫഹദ് ഫാസിൽ നായകനായി 2013ൽ പുറത്തിറങ്ങിയ ആർട്ടിസ്റ്റ് ആണ് അവസാന ചിത്രം. മൃതദേഹം തിരുവനന്തപുരത്തെ സ്വവസതിയിൽ. നാളെ രാവിലെ 10.30 മുതൽ 11.30 വരെ ഭാരത് ഭവനിൽ പൊതുദർശനത്തിന് വെക്കും. തുടർന്ന് അരുവിക്കരയിൽ ഉള്ള വസ്തുവിൽ സംസ്കാരം നടക്കും
Advertisement
