Advertisement
തിരുവനന്തപുരം . അന്തരിച്ച നിർമ്മാതാവും സംവിധായകനുമായ അരോമാ മണിയുടെ സംസ്കാരം ഇന്ന്. അരുവിക്കരയിലെ പുരയിടത്തിൽ ഉച്ചയ്ക്ക് ഒന്നരയോടെ സംസ്കാര ചടങ്ങുകൾ നടക്കും. തിരുവനന്തപുരം ഭരത് ഭവനിൽ രാവിലെ 10.30 മുതൽ 11.30 വരെ മൃതദേഹം പൊതുദർശനത്തിന് വെയ്ക്കും. അരോമ മൂവീസ്, സുനിത പ്രൊഡക്ഷൻസ് തുടങ്ങിയ ബാനറുകളിൽ 62 സിനിമകളാണ് അരോമ മണി നിർമ്മിച്ചത്. ഏഴ് ചിത്രങ്ങൾ സംവിധാനം ചെയ്തിട്ടുണ്ട്. 1977 പുറത്തിറങ്ങിയ ധീരസമീരെ യമുനാതീരെ ആണ് ആദ്യ ചിത്രം. തിങ്കളാഴ്ച നല്ല ദിവസം, ദൂരെ ദൂരെ ഒരു കൂടുകൂട്ടാൻ എന്നീ ചിത്രങ്ങൾക്ക് ദേശീയ അവാർഡും ലഭിച്ചു. ഫഹദ് ഫാസിൽ നായകനായി 2013ൽ പുറത്തിറങ്ങിയ ആർട്ടിസ്റ്റ് ആണ് അവസാന ചിത്രം.
Advertisement
