Advertisement
class="td-all-devices">
പഴയകാല നാടക- സിനിമ ഗായിക മച്ചാട്ട് വാസന്തിക്ക് അന്ത്യാഞ്ജലി
കോഴിക്കോട്. പഴയകാല നാടക- സിനിമ ഗായിക മച്ചാട്ട് വാസന്തി അന്തരിച്ചു. വാർധക്യ സഹജമായ അസുഖത്തെ തുടർന്ന് ചികിത്സയിലിരിക്കെ കോഴിക്കോട് വച്ചാണ് അന്ത്യം. 81 വയസായിരുന്നു. രാവിലെ കോഴിക്കോട് ടൗൺ ഹാളിൽ പൊതുദർശനവും തുടർന്ന് വൈകിട്ടോടെ സംസ്കാരവും നടക്കും.
ഒൻപതാം വയസ്സിൽ തുടങ്ങിയ സംഗീത ജീവിതം. വിപ്ലവ – നാടക ഗാനങ്ങളിൽ നിന്ന് എം എസ് ബാബുരാജിൻ്റെ കൈ പിടിച്ച് സിനിമയിലേക്ക്… മണിമാരൻ തന്നത് പണമല്ല എന്ന ഒരൊറ്റ ഗാനത്തിലൂടെ മലയാളികളുടെ മനസ്സിൽ ചേക്കേറി മച്ചാട്ട് വാസന്തി എന്ന ഗായിക.
പച്ച പനം തത്തേ.. പുന്നാര പൂ മുത്തേ എന്ന ഗാനവും മച്ചാട്ടു വാസന്തിയിലെ ഗായികയെ അടയാളപ്പെടുത്തുന്നതാണ്.
ആകാശവാണിയിലും മച്ചാട്ടു വാസന്തി നിറ സാന്നിധ്യമായിരുന്നു.
കെപിഎസിയുടെ നിരവധി നാടകങ്ങളിൽ വേഷമിട്ട് അഭിനയവും തനിക്ക് വഴങ്ങുമെന്ന് തെളിയിച്ചു. അച്ഛൻ്റെയും പിന്നാലെ ഭർത്താവിൻ്റെയും മരണം വാസന്തിയെ തളർത്തിയിരുന്നു. ആസ്വാദക ഹൃദയങ്ങളിൽ ഒരുപിടി നല്ല പാട്ടുകൾ ബാക്കി വച്ചാണ് മച്ചാട്ട് വാസന്തി കാലയവനികയ്ക്കു ഉള്ളിൽ മറയുന്നത്.
