Advertisement
ക്രിക്കറ്റിന്റെ മൂന്ന് ഫോര്‍മാറ്റിലും ഒന്നാമതായി ഇന്ത്യ. ബദ്ധവൈരികളായ പാകിസ്ഥാനെ മറികടന്നാണ് ഇന്ത്യയുടെ നേട്ടം. ഓസ്ട്രലിയക്കെതിരായ മൂന്ന് മത്സരങ്ങളുള്ള പരമ്പരയിലെ ആദ്യ വിജയത്തോടെയാണ് ഐസിസിയുടെ ഏകദിന റാങ്കിങ്ങിലും ഇന്ത്യ ഒന്നാമതായത്.
വെള്ളിയാഴ്ച ഓസ്ട്രേലിയക്കെതിരായ മത്സരത്തില്‍ ഇന്ത്യ അഞ്ച് വിക്കറ്റ് വിജയം നേടിയിരുന്നു. 116 പോയിന്റുമായാണ് പട്ടികയില്‍ ഇന്ത്യ ഒന്നാമതെത്തിയത്. പാകിസ്ഥാനുള്ളത് 115 പോയിന്റാണ്.
ടെസ്റ്റ്, ടി20 ചാര്‍ട്ടില്‍ ഇന്ത്യ നേരത്തെ ഒന്നാം സ്ഥാനത്ത് എത്തിയിരുന്നു. ഏകദിനത്തിലും ഈ നേട്ടം കൈവരിച്ചതോടെയാണ് മൂന്ന് ഫോര്‍മാറ്റിലും ഇന്ത്യ ഒന്നാമതെത്തിയത്. പുരുഷ ക്രിക്കറ്റില്‍ ഇത് രണ്ടാം തവണയാണ് ഒരുരാജ്യം മൂന്ന് ഫോര്‍മാറ്റിലും ഒന്നാമതെത്തുന്നത്. 2012ല്‍ ദക്ഷിണാഫ്രിക്ക ഈ നേട്ടം കൈവരിച്ചിരുന്നു.
Advertisement
