ഐപിഎല് 2025 സീസണിലേക്കുള്ള മെഗാ ലേലത്തിന് മുന്നോടിയായി ക്യാപ്റ്റനും മലയാളി താരവുമായ സഞ്ജു സാംസണ് അടക്കം ആറ് താരങ്ങളെ നിലനിര്ത്തി രാജസ്ഥാന് റോയല്സ്. ജോസ് ബട്ലറേയും യൂസ്വേന്ദ്ര ചാഹലിനേയും രാജസ്ഥാന് കൈവിട്ടു. ക്യാപ്റ്റന് സഞ്ജു സാംസണ് (18 കോടി), യശസ്വി ജയ്സ്വാള് (18), റിയാന് പരാഗ് (14), ധ്രുവ് ജുറല് (14), ഷിംറോണ് ഹെറ്റ്മെയര് (11), സന്ദീപ് ശര്മ (4) എന്നീ തുകയ്ക്കാണ് ടീം നിലനിര്ത്തിയത്. 11 കോടി നല്കി ഹെറ്റ്മെയറെ നിലനിര്ത്തി, ബട്ലറെ കൈവിട്ടതാണ് ആരാധകരെ ആശ്ചര്യപ്പെടുത്തിയത്. എന്നാല് ബട്ലറേയും ചാഹലിനേയും മെഗാ താരലേലത്തില് സ്വന്തമാക്കാനും റോയല്സ് ശ്രമിച്ചേക്കും. വെറ്ററന് സ്പിന്നര് ആര്. അശ്വിന്, ന്യൂസിലന്ഡ് പേസര് ട്രന്റ് ബോള്ട്ട് എന്നിവരാണ് ഒഴിവാക്കപ്പെട്ട പ്രധാന താരങ്ങള്. മെഗാ താരലേലത്തില് ചെലവഴിക്കാന് 41 കോടി രാജസ്ഥാന്റെ പേഴ്സില് ബാക്കിയുണ്ട്.
