Advertisement
ശാസ്താം കോട്ട . ഓണക്കാലമായാല്‍ ശാസ്താംകോട്ടയില്‍ വാനരന്മാര്‍ക്ക് രണ്ടുദിനം സദ്യയാണ്. വര്‍ഷങ്ങളായി നടക്കുന്ന പതിവ് ഇത്തവണയും മുടങ്ങിയില്ല. ഇന്നലെ ഉത്രാസദ്യ ഗംഭീരമായെങ്കില്‍ അതിനേക്കാള്‍ കെങ്കേമമായാണ് തിരുവോണ സദ്യ നടന്നത്. ശ്രീധർമ്മശാസ്താ ക്ഷേത്രത്തിലാണ് വാനരൻന്മാർക്കായി ഓണസദ്യ ഒരുക്കിയത്. ക്ഷേത്ര വിശ്വാസങ്ങളുടെ ഭാഗമായിയാണ് വാനരന്മാർക്ക് സദ്യകൊടുക്കുന്നത് .
അമേരിക്കന്‍ മലയാളി കന്നിമേലഴികത്ത് ബാലചന്ദ്രന്‍റെ വകയായാണ് തിരുവോണസദ്യ നടന്നത്. സദ്യ കാണുവാനും ധാരാളം ജനമെത്തി. വിഭവ സമൃദ്ധമായ സദ്യ തുടങ്ങുന്നത് ശാന്തമായാണെങ്കിലും പിന്നീട് സദ്യവാരിയേറും വലിച്ചുമാറ്റലും അടിയും ഒക്കെയായി മാറും എന്നതിനാല്‍ സദ്യയുടെ അവസാനം വരെ കാണാനാണ് ജനമെത്തുക.
Advertisement
