Advertisement
ഹൈദരാബാദ്.തിരുപ്പതി ജില്ലയിൽ പൊതുസമ്മേളനങ്ങൾക്കും ഘോഷയാത്രകൾക്കും നിയന്ത്രണമേർപ്പെടുത്തി പോലീസ്. തിരുപ്പതി ലഡു വിവാദത്തിന്റെ പശ്ചാത്തലത്തിൽ ഒരു മാസത്തേക്കാണ് നിയന്ത്രണം. ഉത്തരവലങ്ങിക്കുന്നവർക്കെതിരെ കർശന നടപടി എടുക്കും എന്നാണ് പോലീസിന്റെ മുന്നറിയിപ്പ്. ലഡു വിവാദത്തെ തുടർന്ന് ജില്ലയിലെ പല പ്രദേശങ്ങളിലും പ്രതിഷേധം തുടരുകയാണ്. ഞായറാഴ്ച ജഗൻ മോഹൻ റെഡ്‌ഡി തിരുപ്പതി ക്ഷേത്രം സന്ദർശിക്കാൻ എത്തും. എന്നാൽ ഹിന്ദുമതവിശ്വാസി അല്ലാത്ത ജഗൻ തന്റെ മതവിശ്വാസം വ്യക്തമാക്കി പ്രത്യേക അനുമതി വാങ്ങിയ ശേഷം മാത്രമേ ദർശനം നടത്താൻ പാടുള്ളൂ എന്നാണ് ബിജെപി നേതാക്കളുടെ പ്രതികരണം. ലഡുൽ വിവാദവുമായി ബന്ധപ്പെട്ട കേസിൽ പ്രത്യേക അന്വേഷണസംഘത്തിന്റെ അന്വേഷണം തുടരുകയാണ്
Advertisement